Presidenti Begaj dekreton kabinetin e ri qeveritar
Presidenti i Republikës, Bajram Begaj, ka firmosur këtë të hënë (15 shtator) dekretin për kabinetin e ri qeveritar, duke hapur rrugën për nisjen e mandatit të katërt të kryeministrit Edi Rama.
Sipas procedurës kushtetuese, përbërja dhe programi i Qeverisë do të kalojnë fillimisht në Kuvend, ndërsa më pas kryeministri dhe ministrat do të betohen në Institucionin e Presidentit.
Në kabinetin e ri spikasin disa emra të rinj, por edhe rikthime të njohura në poste kyçe. Ja lista e plotë e ministrave të dekretuar nga Presidenti Begaj:
Belinda Balluku – Zëvendëskryeministre dhe Ministre e Infrastrukturës dhe Energjisë
Albana Koçiu – Ministre e Punëve të Brendshme
Elisa Spiropali – Ministre për Evropën dhe Punët e Jashtme
Petrit Malaj – Ministër i Financave
Blendi Gonxhja – Ministër i Turizmit, Kulturës dhe Sportit
Sofjan Jaupaj – Ministër i Mjedisit
Mirela Kumbaro Furxhi – Ministre e Arsimit
Evis Sala – Ministre e Shëndetësisë dhe Mirëqenies Sociale
Delina Ibrahimaj – Ministre e Ekonomisë dhe Inovacionit
Besfort Lamallari – Ministër i Drejtësisë
Pirro Vengu – Ministër i Mbrojtjes
Andis Salla – Ministër i Bujqësisë dhe Zhvillimit Rural
Ervin Demo – Ministër i Shtetit për Pushtetin Vendor
Majlinda Dhuka – Ministre Shteti dhe Kryenegociatore
Adea Pirdeni – Ministre e Shtetit për Administratën Publike dhe Antikorrupsionin
Toni Gogu – Ministër i Shtetit për Marrëdhëniet me Parlamentin
Ceremonia e betimit do të zhvillohet ditët e ardhshme në Presidencë, duke formalizuar nisjen e qeverisë së re.
Comments