Miratohet rezultati përfundimtar i zgjedhjeve të 11 majit
Komisioni Rregullator miratoi sot rezultatin përfundimtar të zgjedhjeve të 11 majit, me tre vota pro dhe dy kundër. Pas këtij vendimi, presidenti Bajram Begaj ka 10 ditë kohë, duke nisur nga 9 shtatori – data kur përfundon mandati i Kuvendit aktual – për të dekretuar fillimin e legjislaturës së re.
Sipas rezultatit të certifikuar, Partia Socialiste siguroi 83 mandate, aleanca e Partisë Demokratike 50 mandate, Partia Socialdemokrate tre, Partia Mundësia dy, ndërsa Lëvizja Bashkë dhe Nisma Shqipëria Bëhet nga një mandat secila.
Edhe pse opozita ankimoi rezultatet në të gjitha qarqet, duke sjellë hapjen e disa kutive në Durrës e Elbasan, si dhe të plotë në Fier e Tiranë, rinumërimi nuk solli ndryshime në përfundimin përfundimtar.
Comments