Islam Dudaev fiton një tjetër medalje për Shqipërinë në Lojërat Olimpike

Mundësi i natyralizuar shqiptar, Islam Dudaev i ka dhënë Shqipërisë medaljen e dytë në këto Lojëra Olimpike që zhvillohen në Paris. Dudaev mposhti 13-12 kundërshtarin hungarez duke fituar medaljen e bronztë.

Dudaev u kualifikua direkt në duelin për medaljen e bronzit për peshën deri në 65 kilogramë në stilin e lirë pasi kundërshtari i tij amerikan u tërhoq.

Në sfidën për të bronztën, Dudaev u përball me Musukaev të Hungarisë.

Kjo është medalja e dytë e bronztë e Shqipërisë në olimpiadë. Të shtunën, Chermen Valiev bëri historinë duke i siguruar Shqipërisë medaljen e parë në Lojërat Olimpike.